تعودني عليك أيام أبد ما فارقك ليليــــــــــــــــة
إذا عنك أروح اليوم أقولك نلتقي باجــــــــر
تعودني على لطفك على أسلوبك وتدليلــه
وتتوقع أنا بحيا بدونك يوم بتسافــــــــــــــــر
أنا ما ودي أشكيلك ولكن قلة الحيلـــــــــــــــة
قديمة أخرتك والله وأنا على البعد مب قادر
دخيلك أجل الموعد دخيلك أجل الموعـــــد
دخيلك أجل الموعد إذا تقدر على تأجيلـه
دخيلك حط دمعاتي في عينك قبل ما تسافر
يا شين الوقت في بعدك دقيقة جنها ليلـــــة
شي يصبرني وأنا أحبك ومثلك في البشر نادر
تعلق قلبي بقلبك يسمع منه ويشكيلـــــــــــــه
تدلل قول بس اطلب أقولك غالي وحاضر
تلاقينا ف بعض صدفة وسولفلي وأنا أحكيله
ومن أول نظره حبيته وصرت لشوفه أبادر
ذبحني السحر فعيونه يا ويله قلبي يا ويلـــــــــه
أنا أفهم لغة العيون ولكن صرت مب قادر
أنا اتمنى قبل لا يروح يلمس دمعي منديلـــــه
أبيه يحس بإحساسي أبيه يقولي تآمـــــــــــــــر
أبي حضنه يدفيني خليل يودع خليلــــــــــــــــــــه
أقول بصوت به شهقة في أمان الله يا مسافر
وارجع بالمطر وحدي يشلني الهم واشيلــــــــه
شو يصبرني أنا شهرين وهو بس توه مسافـــــر
عسى انه اخذ قلبي في وسط عيونه يشيلـــــــــه
وأنا أصبحت في بعده وحيد وأكسر الخاطـــــــــــــر
العرض العادي
