-- × --
تعــاتبني تعاتبني بنظرات خفيــة وأجاملها ولا ادري وش وراها أجاوبهـا بنظرات حزينة تعبر عن ضنـا الروح وشقاها أسايرها وأجاوب كل نظرة وأخبي الوجد وأبحث عن رضاها وعقب ما شفتها عرفت قلبي تناســاها ولكن ما نساهــا غلاها يزود مع زود الليالي وباع الناس قلبي واشتراهــا وصرت أغار أنا منها عليها خطا نفسي وآنا أتحمل خطاها وأغار من أمها حتى وأبوها وأغار من الذي بأمره ولاهـا وأحسد اللي تبره بالرعايـة وأحسد اللي بأحاسيسه رعاها وأحسد البنـز لا قامت تسوقه أخاف أنه يشاركني غلاهـا وأحسد الريح لا حرك شعرها وأحسد عيون غيري لا تراها وأغار من القمر لا شع نوره خذت نور القمر واصبح ضواها وأحسد الشمس لا بانت عليها أشعتهــــا تسبب في أذاها وأحسد الأرض لا داست عليها أثر خطواتها تحيي ثراهـــا وأغار من النجوم إليا تعلت وشافتها وعيني ما تراهـــا وأغار من الهدوم اذا لبستها عساهـا ما تجرحها عساهـا واغار من الخواتم في يديها وساعتهــا وكل اللي معاها وأغار من القلادة في نحرها وأغار من الشعر لامن كساها وأغار من القصيدة لا قرتها ولو هي قصتي واشكي جفاها وتشمل غيرتي حتى المرايا يحق لهــا بشوفتها تباهـا نعم وأغار حتى من الوسادة وأحسد فراشها ويا غطاهــا آلا يا من يساعدني عليهـا يوصلني هوى النفس ومناها عجزت أعالج جروحي بروحي جروح القلب ما تشفى بلاها العنكبوت
تسلم يالعنكبوت كلمات في قمة الروعه واختيارك راقي لها
يا سلامي على قلم خط وعبر ما حاواها بغيره وغزل وحب فشع في جدى كاتبها تعابير تعبر ومغزى وصل لمغزاها عن صدق المشاعر قريت ما حواها والله يعطيك العافيه وتعجبني كتاباتك
مشكوره جزراوية على المرور الحلو منج
مشكوره ميس على الرد الحلو و على المتابعة الطيبة
واجبنا لو ما شي متابعه محد اتتحمس لوضع المواضيع ومتابعتها ولا شو رااايك والله يقويك ان شالله
البركه فيكم كلكم والله يعطيكم العافية
شعر بقمه الروعه بلاشك ! ياسلام ياسلام شكرا اخوي وبإنتطار القادم ,
اقتباس: المشاركة الأصلية كتبت بواسطة ولد اليرموك شعر بقمه الروعه بلاشك ! ياسلام ياسلام شكرا اخوي وبإنتطار القادم , هلا ولد اليرموك شو وين هالغيبه يالله ولاحتى كلمة شكر ألنا .....على أننا نسأل عليك المهم هلا وبالسلامه
تسلمون كلكم ع تواصلكم و يا مرحبا بكم..
العرض العادي
