السلام عليكم و رحمة الله و بركاته

قبل لا ابدأ بموضوعي .. احب اعتذر لأعضاء المنتدى عن الفتره الي غبت ( احسسكم اني مهم ) فيها بسبب الدراسه و السفر و المهام الي مكلف فيها
طبعا تخرجنا حلاااااااااااااااص (فكه) ما تخرجنا الا بعد ما صلعنا
طبعا انصح الشباب بعدم استكمال دراستهم .. شتبون بعوار الراس .. خخخخ محد يسمع كلامي
اكيد بو علي يبي العزيمه .. ما عليه بييك اتصالي بس تريا شوي .. لازم نرتب لك شي خاص ( لك عزيمتين فبوظبي و الخور )

خلص الراتب

المهم

موضوعي عباره عن استفتاء للرأي و اتمنى الكل يشارك

في ضل نتايج و امكانيات فريقنا
هل فريقنا قادر على الصعود لدوري المحترفين ؟؟
و السؤال الأهم .. في حال صعود الفريق هل هو قادر على مجاراة دوري المحترفين في ضل الظروف الحاليه ؟؟ او تطبيقا لقاعدة الصاعد هابط ؟؟
او أن الفريق في حالة بناء و تكوين

انا راح اجيب على الاسئله بعد ما اقرأ آرائكم


اكرر اعتذاري .. الفتره الي غبتها كثيره و اعذاري غير منطقيه ولكن ابقى خلجاي محب لهذ الفريق

اوه اوه الحبيب رجع ^___^
نورت المنتدى يا الغالي ..

بالنسبة الى اسألتك
فريقنا نعم قادر على الصعود لكن البقاء او المنافسة بدوري المحترفين شي صعب بصراحة.. لكن نحن نعشم انفسنا بالصعود للشهرة فقط

النور نورك عزيزي

اشكر مرورك و عشمك بفريقنا

يا مرحبا بك اخوي مرة ثانية ..وان شاء الله نصعد وبعدين يصير كلام ثاني مع التأكيد بانها راح تكون مجرد رحلة فقط

اشكر مرورك عزيزي

موقعنا الاساسي مع الكبار .. ولكن لي نظره اخرى

الله يوفق النادي الكبير نادي الخليج الرياضي وإن شاء الله في تطور دائم وراح نشوفه مع فرق المحترفين الموسم القادم