عفا الله عن خطـأ غدر الخنـــاجـر و الضلوع ابطال
بسامح و اتركك تحت الظـلام الحالك لحالك
دخيلك وفر دموعك ترى هدر الــــــدموع ادلال
وترى مافيها حد يصــــبر مثل صبري بغربالك
انا عيب عليّ انقر كــــلامي و الرجال افعال
واذا قلت اقطـــع حبالك تـــراني بقطــع حبالك
عشان أكسب هذب عينك تجرعت العذاب اشكال
وليتك ترأف بحالي علشـــان ارفأ بحــــــالك
مسوي في حياتي شي مايذكر ولا ينقال
حشى حتى العدو وهو العدو مايعمــل اعمالك
تمسيني على الهم و تصبحني على الغربال
تقلطني فناجيـلك و تقصــــر عنــي ادلالك
تحملت التعب لاجلك وانا حملي يهد جبال
رحلت من العــذاب وما وقفــــت الاعلى جالك
علامك كل ما جيتك متواضع جيتني تختال
معـاك الايا متى بصبـــر وصبري معك يحــلالك
مثل ماقبلت لعيونك لزوم تردلي بقبال
ومثل ما قد حشمتك حس وأحشم قلبي اشــــوالك
أنا محدٍ بجابرني اساير معك هالمنوال
تراني لاني تبيــــع لك ولاني بأصـــغر عيـــالك
أنا جيت أعشقك بنبض و مشـاعر معشقك تمثال
أنا جيت أسكنك وأحياك وأبقى فيك وأبقى لك
أنا جيت بضما عاشق تعب يطرد سراب بلال
أنا جيت أستفز رضاك من فرقاك والجأ لك
أنا ماهمت بك عاقل أنا كنت أعشقك بخبال
أنا ما كنت أحبك حي أنا كنت أعشقك هالك
تخيل من كثر ما أخاف تلقى للزعـل مدخال
أخاف أخطى على طيفك وأدوس برجلي ظلالك
تبعتك والعرب تتبع رعود البارقه الهمال
وأنا شفت المطــــر يتبـــعك في حالك وترحـــالك
كأن اللي خلق حسنك خلقني مع جسدك ظلال
وصرت أقرب جسد يمشــــي معك بقفاك واقبالك
أبي قلبك يحس انه فقد بمحبته رجال
ملكته من هـــذب عيــــن وخسرت رضـــاه بهمالك
صحيح أن الفراق أقسى ولكن الوصال محال
وأنا صعب عليّ ارضي غرورك وأضعف قبالك
بعد ما حققت عيني في بعدك للرقاده مال
أعود للســـهر ياخوي فال الله ولا فالك
ببدل نظرتك فيني وبجي لك بكل يوم حال
بكون أقرب من ثيــــــــابك عليك ولا يتهيأ لك
بلمك وأنثرك و أجمعك وأرجع وأنثرك بهمال
بخونك وأزعلك وأرضيك و أزعل منك و أرضالك
أبرسم بالثـرى وجهك وبذفن صورتك بالرمال
أبشكي للعـــرب فرقاك و أضحــــــك عذالك
أبهديك الوصال فراق وأهديك الفراق وصال
بسوي مثل ما أشوفك تسوي وأفعل أفعالك
عشان تعرف من فينا الزعول ومن وسيع البال
أبيـــك تذوق فنجـــالي وأنا بــذوق فنجــــالك
نصيحه وأحتفظ فيها قصر معك الزمن أو طال
أبيك تسمع كـــــلامي زين وتحطه على بالك
اذا حبك هبال أطفال الك عندي هبال أطفال
ولا ابشــر بعد بهبال حــــــب ماهو بهبــــالك
واذا قصدك تهين اسمي عشان تشمت العذال
حشى لا أنت ولا غيــرك ولا عشـــره من أشكـالك
قصيده للشاعـــــــــــر حامد زيـد000
العرض العادي
