سمعنا إنهم حطو رادارات في خورفكان والمشكله إنها متحركه ولا بعد على سرعة 80 صارو اخس عن الفجيره حتى الفجيره برع الفجيره على سرعة 120 وداخل الفجيره 90 وهنا الحين حطو السرعه لنا على 80 ما نقول غير الله يرحمك يالشيخ صقر القاسمي كنت سند لنا .. الله يرحمك ويدخلك فسيح جناته إن شاء الله
والله شو بنقول ياخوي.. الخور صغيرة ومب محتاجة للرادارات واحين ماشاء الله بكل مكان مطبات بعد وماتدخل فريج او شارع الا تحصل فيه اكثر من مطبة المطبات عشان تتكسر السيارات والرادارات للغرمات يعني بيزاتنا للسياير بس
وبخصوص السرعات ابد مب مناسبة يعني شارع الجرادية 100 وشارع مفتوح المفروض على الاقل 120 والشارع العام 90 مب 80 وغير هذا نصبوها لنا فجأة يعني بدون حس ولاخبر ولما تسألهم يقولون ترى محطين لوحات اصلا اللوحات محطاية من سنة وماشي رادارات بس شو بنقول بعد الله يعين.. والله يرحمك يا الشيخ صقر
الرادار زين للشباب المتهورين و إلي يعشقون السرعه .
و بيكون رادع لهم و بتقل الحوادث بإذن الله .
و سرعة 80 كم زينه في الخور و اليراديه واللؤلؤلية يعني لازم تسوق 100 كم و الضبط 101 كم
و انا اشوف ال100 سرعة معقوله في الخور ,, إن لم تكن كبيره ..
الله يعين هل خورفكان عالرادارات
العرض العادي
